05-04-2019 13:35 2392

 

Արդշինբանկը շարունակելով զարգացնել իր հեռահար բանկային ծառայությունները՝ ավելացրել է նոր գործառույթներ իր «Մոբայլ Բանկինգ» հավելվածում, մասնավորապես պարզ և անվտանգ PayX վճարման հնարավորությունը:

Ինչպես տեղեկացնում են Արդշինբանկից՝ առևտրի և սպասարկման կետերում PayX վճարումներ իրականացնելու համար անհրաժեշտ է հավելվածի «Գործարքներ» բաժնից ընտրել «PayX»-ը, կցել քարտը, սքանավորել QR կոդը և կատարել վճարումը` ընդամենը մեկ հպումով: Ընդ որում, հավելվածը հնարավորություն է տալիս վճարումն իրականացնել «ԱրՔա» համակարգի անդամ այլ բանկերի կողմից թողարկված վճարային քարտերի միջոցով նույնպես:

PayX վճարումներ ընդունող առևտրի և սպասարկման կետերի պարբերաբար համալրվող ցանկին կարող եք ծանոթանալ հետևյալ հղումով:

«Ի լրումն վերոնշյալ գործառույթների՝ վերջին թարմացումների արդյունքում հավելվածի միջոցով արդեն հնարավոր է վճարել Երևանում գրանցված գույքահարկը, ինչպես նաև ինքնուրույն վերականգնել համակարգի ծածկագիրը:

Մոբայլ Բանկինգին միանալը անվճար է. համակարգում օգտատեր գրանցելու համար անհրաժեշտ է մոտենալ Բանկի 63 մասնաճյուղերից ցանկացածը»,-նշում են բանկից:

Նշենք, որ PayX ընկերությունը նորարարական ստարտափ է Հայաստանում, որը ստեղծում է մոբայլ վճարումների միասնական համակարգ։ 

Մեկնաբանություն թողնելու համար մուտք գործեք համակարգ: