jkjhkjhkj

19-06-2024 14:42 115

Ֆինլանդիան դարձավ Եվրամիության առաջին երկիրը, որն ուրան արդյունահանեց: Այս մասին հայտնում է РИА Новости-ն՝ հղում անելով Terrafame հանքարդյունաբերական ընկերությանը։

«Terrafame ընկերությունը սկսել է բնական ուրանի արդյունահանումը Սոտկամոյի իր արդյունաբերական տարածքում»,-հայտնել են ընկերության մամուլի ծառայությունից։

Ակնկալվում է, որ հանքավայրը կհասնի իր նախագծային հզորություններին մինչև 2026 թվականը և իր գագաթնակետին արտադրությունը կկազմի տարեկան 200 տոննա: Հանքավայրի կառուցման և արտադրության մեկնարկի ներդրումները կազմել են 20 մլն եվրո։

Մինչ այս հայտնի էր դարձել, որ ուրանի արդյունահանող խոշորագույն ֆրանսիական Orano SA ընկերությունը կարող է կորցնել ուրանի արդյունահանման իրավունքն աշխարհի ամենամեծ հանքավայրերից մեկում՝ Նիգերի Իմուրարենում։

Բանն այն է, որ ընկերության առաջարկած դաշտի զարգացման ծրագիրը չի արդարացնում Նիգերի իշխանությունների սպասելիքները։

Նյութը հեղինակային է և պաշտպանված օրենքով

Մեկնաբանություն թողնելու համար մուտք գործեք համակարգ:


Հաճախ ընթերցված նյութեր