Հնդկաստանը Պաղեստինին վերջին տարիներին 120 մլն դոլարի չափով օգնություն է ցուցաբերել, ասել է ՄԱԿ-ում Հնդկաստանի մշտական ներկայացուցչի տեղակալ Ռ. Ռավինդրան։
«Տարիների ընթացքում Պաղեստինին տարբեր ձևերով մեր զարգացման օգնությունը կազմում է մոտ 120 միլիոն դոլար, այդ թվում՝ 35 միլիոն դոլար՝ որպես ներդրում UNRWA-ին (Միավորված ազգերի կազմակերպության Մերձավոր Արևելքում Պաղեստինի փախստականների օգնության և աշխատանքի գործակալությանը», -ասել է նա։
Ինչպես հիշեցրել է Ռավինդրան, Հնդկաստանը 2018 թվականից ի վեր UNRWA-ին տարեկան $5 միլիոն ներդրում է տրամադրում:
«Մենք արդեն հայտարարել ենք 2,5 միլիոն դոլարի վճարման մասին, մեր տարեկան ներդրումների առաջին փոխանցումը UNRWA-ին կատարվել է այս շաբաթվա սկզբին», -նշել է դիվանագետը։
Ըստ հաղորդագրության՝ Հնդկաստանը հանդես է գալիս Մերձավոր Արևելքի տարածաշրջանում խաղաղության և կայունության օգտին՝ պաշտպանելով երկու պետությունների (Իսրայել և Պաղեստին) համակեցության սկզբունքը։
Նյութը հեղինակային է և պաշտպանված օրենքով
