17-05-2019 01:39 540

 

Պահուստային ֆոնդից ԱԺ-ին կհատկացի խոշոր գումար պարգևատրումների և գործուղումների համար

Կառավարությունն իր այսօրվա նիստում որոշում կայացրեց ՀՀ Ազգային ժողովի բնականոն գործունեությունն ապահովելու նպատակով 2019 թվականի պետական բյուջեով նախատեսված կառավարության պահուստային ֆոնդի հաշվին Ազգային ժողովին հատկացնել 892,628 մլն դրամ:

Նախագծում նշվում է, որ որոշման ընդունումը պայմանավորված է յոթերորդ գումարման ՀՀ Ազգային ժողովի պատգամավորների և երկու մշտական հանձնաժողովի թվի ավելացմամբ ՀՀ Ազգային ժողովի 2019թ. բյուջեում առաջացած պակասուրդով:

Նշվում է, որ «ՀՀ Ազգային ժողովի գործունեության ապահովում, օրենսդրական, վերլուծական և ներկայացուցչական ծառայություններ» միջոցառման իրականացման համար անհրաժեշտ է 848,729.9 հազ. դրամ, այդ թվում՝ «Աշխատողների աշխատավարձեր և հավելավճարներ» հոդվածով 403,152.9 հազ. դրամ՝ պայմանավորված 59 հաստիքի ավելացմամբ և վեցերորդ գումարման ՀՀ Ազգային ժողովի պատգամավորներին և պատգամավորների օգնականներին վճարված վերջնահաշվարկներով, 4112 «Պարգևատրումներ, դրամական խրախուսումներ և հատուկ վճարներ» հոդվածով 94,309.7 հազ. դրամ, «Արտասահմանյան գործուղումների գծով ծախսեր» հոդվածով 301,802.0 հազ. դրամ՝ 118,285.7 հազ. դրամը պայմանավորված պատգամավորների թվի եւ 183,516.3 հազ. դրամը ՀՀ Ազգային ժողովի նախագահի այցերի (Ռուսաստանի Դաշնություն, Վրաստան, Բելգիա, Նիդերլանդներ, Ֆրանսիա (Ստրասբուրգ), Իտալիա, Մեծ Բրիտանիա, Իրան, Արաբական Միացյալ Էմիրություններ) ավելացմամբ, 4261 «Գրասենյակային նյութեր եւ հագուստ» հոդվածով 3,265.3 հազ. դրամ, 4729 «Այլ նպաստներ բյուջեից» հոդվածով 46,200.0 հազ. դրամ՝ պայմանավորված 27 պատգամավորի պատգամավորական գործունեության հետ կապված փոխհատուցման վճարի (16,200.0 հազ. դրամ) և 25 պատգամավորի բնակարանի վարձին համարժեք փոխհատուցման (30,000.0 հազ. դրամ) գումարներով, «ՀՀ Ազգային ժողովի տեխնիկական հագեցվածության բարելավում» միջոցառման իրականացման համար 5122 «Վարչական սարքավորումներ» հոդվածով անհրաժեշտ է 43,899.0 հազ. դրամ՝ որից 29,500.0 հազ. դրամը համակարգիչներ եւ տպիչ սարքեր ձեռք բերելու և 14,399.0 հազ. դրամն աշխատասենյակների կահավորման նպատակով:

Նախագծի ընդունումը հնարավորություն կտա ֆինանսավորել ՀՀ Ազգային ժողովի 2019թ. բյուջեում առաջացած պակասուրդը եւ ապահովել բնականոն գործունեությունը:

Մեկնաբանություն թողնելու համար մուտք գործեք համակարգ:


ՀՀ Լուրեր

Հաճախ ընթերցվող նյութեր