jkjhkjhkj

14-09-2023 12:53 158

Մեկնարկել է Կառավարության նիստը։

Նիստի ժամանակ ՀՀ վարչապետ Նիկոլ Փաշինյանն անդրադարձավ հայ–ադրբեջանական սահմանին առկա լարվածությանը։

«Իրադրությունը հայ–ադրբեջանական սահմանի երկայնքով շարունակում է մնալ լարված, Ադրբեջանը շարունակում է իր զորքերի տեղաշարժը Հայաստանի պետական սահմանի և ԼՂ շփման գծի երկայնքով։ Հումանիտար իրավիճակը ԼՂ–ում ծայրահեղ ծանր է։ Նախորդ օրը Ասկերանով ԼՂ մուտք գործած մեկ բեռնատար ռուսական բեռը չի կարող իրավիճակի վրա որևէ տեսանելի ազդեցություն ունենալ։ ՀՀ–ի և Ֆրանսիայի հումանիտար բեռների մի մասը 22 բեռնատարերով շարունակում են ԼՂ մուտքի հնարավորության սպասել։ Բեռների մեկ ուրիշ, ավելի մեծ քանակություն գտնվում է մերձակա հատվածում» ,– ասաց նա։

Վարչապետի խոսքով՝ միջազգային հանրությունը շարունակում է իր կոչերը Լաչինի միջանցքի ապօրինի արգելափակումը վերացնելու մասին։ Ձեռնարկվում են բոլոր հնարավոր դիվանագիտական ջանքերը հումանիտար բեռների մուտքը ԼՂ և հետագա մատակարարումները ապահովելու համար։ Կարևոր է ընդգծել, որ այս բանակցություններում և քննարկումներում լիարժեք ընդգրկված են ԼՂ ներկայացուցիչները։

«Պետք է հուսալ, որ Բաքու–Ստեփանակերտ երկխոսության միջազգային մեխանիզմ կստեղծվի և մենք Ստեփանակերտի մեր գործընկերներին խրախուսում և քաջալերում ենք ներգրավել նման գործընթացների մեջ։ Տեղեկացնեմ նաև, որ ՀՀ–ն ստացել է Ադրբեջանի նոր մեկնաբանությունները ՀՀ–ի հետ խաղաղության պայմանգրի տեքստի վերաբերյալ, մենք կաշատենք և ողջամիտ ժամկետում կներկայացնենք մեր մեկնաբանությունները»,– նշեց նա։

Կառավարության ղեկավարը ընդգծեց՝ խաղաղությունը մեր տարածաշրջանում այլընտրանք չունի, և այն միակ լուծումնն է, որ երաշխավորում է մեր երկրների տարածքային ամբողջականությունը, ինքիշխանությունն ու անկախությունը, անվատանգությունը, ինչ անհրաժեշտ և ֆունդամենտալ պայման է բնականոն զարգացման և առաջընթացի համար։ Այսօր նաև այս իմաստով հրատապ է ԼՂ հումանիտար ճգնաժամի հաղթահարումը, ինչի ուղղությամբ կշարունակվի ձեռնարկվել բոլոր հնարավոր միջոցները։

Նյութը հեղինակային է և պաշտպանված օրենքով

Մեկնաբանություն թողնելու համար մուտք գործեք համակարգ:


Հաճախ ընթերցված նյութեր