Brent տեսակի նավթի մայիսյան ֆյուչերսների արժեքը նվազել է մեկ բարելի դիմաց 77 դոլարից: Այս մասին գրում է РБК-ն ՝ հղում անելով լոնդոնյան ICE Futures բորսայի տվյալներին։

Նշվում է, որ նման արժեքների գնի նվազում առաջին անգամ է գրանցվել 2022 թվականի դեկտեմբերի 12-ից ի վեր։

Ըստ բորսայի տվյալների՝ Մոսկվայի ժամանակով ժամը 21:49-ի դրությամբ Brent-ը նվազել է մինչև 76,96 դոլար մեկ բարելի դիմաց (4,72%-ով): Ավելի ուշ Մոսկվայի ժամանակով ժամը 22:02-ի դրությամբ գինը բարձրացել է մինչև 77,06 դոլար։ Նվազումը կազմել է 4,66%։

Վերլուծաբանները բացատրել են, որ ԱՄՆ-ում ուժեղ բանկային ճգնաժամը էներգառեսուրսների արժեքի նվազման պատճառ է դարձել։ Նրանց կարծիքով՝ ճգնաժամի հետագա սրման սպառնալիքը կարող է էապես վատթարացնել համաշխարհային տնտեսության հեռանկարները։

PSB-ի առաջատար փորձագետ Եկատերինա Կրիլովան պարզաբանել է, որ ապրանքային շուկայի կանխատեսումները մնում են բացասական: Այնուամենայնիվ, փորձագետները հույս ունեն, որ շուկաները կկարողանան հարմարվել ներկա իրավիճակին։

Բացի այդ, նշել է նա, վերլուծաբանները հույս ունեն, որ ԱՄՆ բանկերի փլուզումը ֆինանսական հատվածում դոմինոյի էֆեկտի չի հանգեցնի։