Ֆիանսիացի գործարարների Պինո ընտանիքը, որը Artemis և Kering ընկերությունների սեփականատերն է` 100 միլիոն եվրո է տրամադրել Փարիզի Նոտր-Դամի վերականգման համար։ Այս մասին հայտնում է Figaro-ն։
Նշվում է, որ տրամադրված միջոցները ծախսվելու են ըստ անհրաժեշտության։
Բացի այդ Ֆրանսիայի մշակութային ժառանգության պահպանման պետական հիմնադրամը Փարիզի Աստվածամոր տաճարի վերականգնման հանգանակություն է սկսել, կազմակերպության կայքում է հայտնվել «Փրկենք Նոտր Դամը» համապատասխան բաժինը։
Օգտատերերին առաջարկվում է վճարում կատարել 50-ից մինչև 500 եվրո կամ սեփական ընտրությամբ ցանկացած այլ գումար:
Հաղորդվում է նաև, որ Ճապոնիան ուսումնասիրում է Նոտր-Դամ դե Պարի հրդեհից հետո Ֆրանսիային օգնելու հարցը։ Դա տեղի կունենա, եթե այդ երկրի իշխանություններից նման խնդրանք ստացվի, հայտարարել է Ճապոնիայի կառավարության գլխավոր քարտուղար Յոսիհիդե Սուգան։
Նա նշել է, որ դա մարդկության համար մեծ կորուստ է, նաև խորը ցավակցություններ է հայտնել Ֆրանսիայի նախագահ Էմանուել Մակրոնին և բոլոր ֆրանսիացիներին։
Ավելի վաղ հաղորդվել էր, որ տաճարի հրդեհը հաջողվել է մարել։
Փարիզի Աստվածամոր տաճարում խոշոր հրդեհը բռնկվել է երկուշաբթի երեկոյան: Փլուզվել է տաճարի աշտարակը, կրակով է բռնկված կրող կառույցը:
Նյութի աղբյուրը՝ FreeNews.am