04-09-2019 14:38 207

 

ՀՀ ԱԺ տարածաշրջանային եւ եվրասիական ինտեգրման հարցերի մշտական հանձնաժողովը Միքայել Մելքումյանի նախագահությամբ սեպտեմբերի 3-ին հրավիրել է հերթական նիստ:

ՀՀ կառավարության որոշմամբ հետաձգվել է երկրորդ ընթերցմամբ քննարկվելիք «Ապրանքային նշանների մասին» ՀՀ օրենքում փոփոխություններ եւ լրացումներ կատարելու մասին» օրինագիծը:

Հանձնաժողովում ՀՀ արտաքին գործերի նախարարի տեղակալ Շավարշ Քոչարյանի, ԵԱՏՄ եւ տարածաշրջանի երկրներում ՀՀ արտակարգ եւ լիազոր դեսպանների մասնակցությամբ քննարկվել են Եվրասիական եւ տարածաշրջանային ինտեգրման արդի հիմնախնդիրներ:

Խորհրդարանական վերահսկողության տեսանկյունից հանձնաժողովի նախագահը կարեւորել է նմանատիպ քննարկումների անցկացումը եւ ընդգծել, որ դրանք շարունակական կլինեն:

ՀՀ արտաքին գործերի նախարարի տեղակալ Շավարշ Քոչարյանը, Վրաստանում ՀՀ արտակարգ եւ լիազոր դեսպան Ռուբեն Սադոյանը, Ռուսաստանում ՀՀ արտակարգ եւ լիազոր դեսպան Վարդան Տողանյանը եւ Իրանի Իսլամական Հանրապետությունում ՀՀ արտակարգ եւ լիազոր դեսպան Արտաշես Թումանյանը պատասխանել են պատգամավորների հարցերին, որոնք վերաբերել են տարածաշրջանային տնտեսական ինտեգրացիայի խնդիրներին, մեր հայրենակիցների իրավունքների պաշտպանությանը, ԵԱՏՄ անդամակցությամբ պայմանավորված մեր երկրին տրված որոշ արտոնությունների ավարտին եւ արտոնությունը շարունակելու կոնսեսուսի ձեռքբերման հնարավորությանը եւ այլն:

Մասնակիցներն անհրաժեշտ են համարել խորհրդարանական շփումների ընթացքում բարձրաձայնել ԵԱՏՄ միասնական շուկայում արգելքների վերացմանն առնչվող հարցերը: Քննարկման ընթացքում անդրադարձ է կատարվել մեր երկրի համար կարեւոր հարցերում դեսպանների դերակատարությանը:

Մեկնաբանություն թողնելու համար մուտք գործեք համակարգ:


ՀՀ Լուրեր

Հաճախ ընթերցվող նյութեր