Արդշինբանկը ներդրել է նոր Խնայողական հաշիվ ծառայությունը, որը հնարավորություն է տալիս կատարել ՀՀ դրամով ազատ միջոցների խնայողություն և դրանց դիմաց ամսական պարբերականությամբ ստանալ տոկոսագումարներ:
Խնայողական հաշվին օրական 50,000 ՀՀ դրամ և ավել մնացորդի դիմաց տոկոսագումարը հաշվարկվում է ելնելով 6 - 9,5 % տարեկան տոկոսադրույքից՝ կախված գումարը հաշվին պահելու ժամկետից: Որքան երկար է խնայողության ժամկետը և մեծ է գումարը, այնքան բարձր է տոկոսադրույքը:
Խնայողական հաշվի բացումը, հաշվից գումարի կանխիկացումը և փոխանցումը Բանկում առկա հաճախորդի այլ բանկային (քատային) հաշվին կատարվում է անվճար:
Նշենք նաև, որ խնայողական հաշվի համալրումներն ու հաշվից փոխանցումները հասանելի են բանկի մոբայլ հավելվածի միջոցով: Մոբայլ բանկինգ հավելվածը ներբեռնելու և անհրաժեշտ կարգավորումներն անելու համար խնդրում ենք այցելել հղմամբ:
Խնայողական հաշվի պայմանների մանրամասներին ծանոթանալու համար խնդրում ենք այցելել հղմամբ կամ զանգահարել Արդշինբանկի կոմունիկացիոն կենտրոն շուրջօրյա գործող 012222222 հեռախոսահամարով:
The material is copyrighted and protected by law
