Կառավարությունը փետրվարի 26-ի նիստում չզեկուցվող հարցերի փաթեթում հավանության է արժանացրել «Կառավարության գործունեության 2025 թվականի կատարման ընթացքի և արդյունքների մասին» զեկույցը:
Պաշտոնական այցով Լեհաստանում գտնվող ՀՀ վարչապետ Նիկոլ Փաշինյանը սոցցանցերի իր էջերում տեսանյութ է հրապարակել՝ հայտնելով այս մասին ու ներկայացնելով որոշակի մանրամասներ:
Ըստ վարչապետի՝ զեկույցի նախաբանում նշվում է, որ 2025 թվականը առաջին օրացուցային տարին է, երբ սահմանային կրակոցների հետևանքով զոհեր և վիրավորներ չեն եղել, ՀՀ-ի և Ադրբեջանի միջև հաստատվել է խաղաղություն, ՀՀ անկախությունից ի վեր առաջին անգամ Հայաստանից արտագաղթը վերափոխվել է ներգաղթի, արձանագրվել է բարձր տնտեսական աճ՝ 7,2 տոկոս, պետբյուջեի եկամուտները 2017-ի համեմատ ավելացել են 135 տոկոսով և այլն:
«Իսկ դա հետևանք է, որ ՀՀ-ում այսօր կան 700 հազար դրամ ստացող ուսուցիչներ, 700 հազար և ավելի դրամ ստացող զինվորներ, առողջապահության, կրթության ու գիտության ֆինանսավորումն է ավելացել»,- հավելել է վարչապետը:
Նշենք՝ Սահմանադրության 156-րդ հոդվածի համաձայն՝ այս շաբաթ զեկույցն ուղարկվելու է Ազգային ժողով:
Առավել մանրամասն՝ տեսանյութում:
The material is copyrighted and protected by law
