18-08-2023 15:11
783
Երևանի քաղաքապետարանի աշխատակազմի շինարարության և բարեկարգման վարչության պետ Խորեն Գրիգորյանը «Ֆեյսբուքի» իր էջով տեղեկացրել է, որ մեկնարկել են վերգետնյա բարձրահարկ ավտոկայանատեղիի նախագծման աշխատանքները և գրառմանը կցել է լուսանկար։
«Մեկնարկել է առաջին վերգետնյա բարձրահարկ ավտոկայանատեղիի նախագծման աշխատանքները, էսքիզային տարբերակները առաջիկա ամսվա ընթացքում կներկայացվի մայրաքաղաքցիներին: Հաշվի է առնվելու տարածքի ճարտարապետական, մշակութային առանձնահատկությունները, հաշվի է առնվելու նաև ավտոկայանատեղիի ճարտարապետական տեսքը, ինչպես նաև ավտոկայանատեղիի տարողունակության խնդիրը, որը համադրվում է երթևեկության կազմակերպման, ավտոբուսների առանձնացված գոտիներ ունենալու խնդրի հետ:
The material is copyrighted and protected by law
