Iravaban.net-ը ներկայացնում է ՀՀ գլխավոր դատախազ Աննա Վարդապետյանի՝ 2024 թվականի գույքի և եկամուտների հայտարարագիրը։
Աննա Վարդապետյանը բնակվում է ամուսնու՝ Մամիկոն Գևորգյանի հետ։
Անշարժ գույք
Հայտարարագրված է Մալաթիա-Սեբաստիա վարչական շրջանում գտնվող բնակարան՝ բաժնային սեփականության իրավունքով։
Տարվա ընթացքում մարվել է բաժնային սեփականության իրավունքով ձեռք բերված ևս մեկ՝ Կենտրոն վարչական շրջանում գտնվող 53,094,382 դրամով գնված բնակարանի հիփոթեքի գումարը։ Նշենք, որ բնակարանը ձեռք է բերել 2022 թվականին։
Հանձնված և վերադարձված փոխառություններ
Տարվա սկզբում առկա են եղել 45,734,335 դրամի և 5,314,382 դրամի չափով փոխառություններ՝ «Անտառային Շին» ՍՊԸ-ից։ Տարվա վերջում դրանք զրոյացվել են։
Բանկային հաշիվների մնացորդներ
Տվյալ տարվա սկզբում տարբեր բանկերում, որոնց անունները նշված չեն, առկա են եղել դրամական միջոցներ՝
189,382 դրամ
68,586 դրամ
3,004,847 դրամ
312 եվրո
Տարվա վերջում դրանք համապատասխանաբար կազմել են՝
2,377 դրամ
22,062 դրամ
1,151,575
0 եվրո
Կանխիկ դրամ
Աննա Վարդապետյանի կանխիկ դրամը 2024-ի սկզբում կազմել է 800,000 դրամ, վերջում՝ 400,000 դրամ։
Հաշվետու տարվա եկամուտներ
Գլխավոր դատախազը 5 աղբյուրից եկամուտ է հայտարարագրել։
Ամերիաբանկից ստացել է եկամուտ՝ 444,165 դրամի չափով։
ՊԵԿ-ից ստացած եկամտի չափը կազմել է 5,904,527 դրամ։
Դատախազությունից ստացել է աշխատավարձ՝ 30,751,713 դրամի չափով։
ԵՊՀ-ից ևս ստացել է աշխատավարձ՝ 1,149,789 դրամի չափով։
Ամերիաբանկից ստացել է վարկ, որի մայր գումարի մնացորդը կազմել է 44,416,562 դրամ։ Վարկի մարմանը Վարդապետյանը ուղղել է 7,520,001 դրամ։
Ընդհանուր եկամտի չափը կազմել է 82,666,756 դրամ, որից շուրջ 44 միլիոնը հիփոթեքի գումարն է։
Նվիրատվության կամ օգնության կարգով տրված գույք, որի միանվագ արժեքը հաշվետու ժամանակահատվածում գերազանցում է 2 միլիոն Հայաստանի Հանրապետության դրամը կամ դրան համարժեք արտարժույթը
Նվիրատվության կամ օգնության կարգով տրամադրել է 14,090,000 դրամ, թե ինչ նպատակով է ծախսվել գումարը՝ նշված չէ։ Դատախազությունից Iravaban.net-ին հայտնեցին, որ նվիրատվությունը տրվել է Աննա Վարդապետյանի ամուսնուն։
Մասնակցությունն առևտրային կազմակերպություններում
Ամուսինը 2009 թվականից եղել է «ԹԵՐՄՈ-ՄԻՆԵՐԱԼ» կազմակերպության 100% բաժնետեր։
Դատախազությունից Iravaban.net-ին հայտնեցին, որ ամուսնու մասնակցությունը ընկերությունում 2013 թվականից դադարեցված է։
Материал защищен авторским правом и охраняется законом
