Ադրբեջանի նախագահ Իլհամ Ալիեւը հայտարարել է, որ 2016թ. «կարեւորագույն խնդիրներից է եղել պահպանել արտարժութային պահուստները, հատկապես` «Ադրբեջանի պետական նավթային հիմնադրամ»-ի (SOFAZ) միջոցները:

«Մենք հասել ենք մեր առջեւ դրված խնդրին: Ուզում եմ մեկ անգամ եւս հանրության ուշադրությունը հրավիրել աշխարհում ընթացող գործընթացների վրա: Նավթով հարուստ բոլոր երկրների արտարժութային եկամուտները խիստ նվազել են: Մինչդեռ Ադրբեջանի նավթային հիմնադրամի եկամուտները նվազել են ընդամենը 4%-ով»,- ասել է նա:

Trend-ի հաղորդմամբ` Ադրբեջանի նախագահն ասել է, որ SOFAZ-ի միջոցներն այսօր կազմում են $33 մլրդ:

«Համոզված եմ, որ այս տարի կավելացնենք պահուստները: Իհարկե, ճգնաժամից դուրս գալու ամենադյուրին ճանապարհն արտարժութային միջոցների վատնումն է, որը եւ նկատում ենք շատ տեղերում: Մինչդեռ մենք մտածում ենք ապագայի մասին»,- ընդգծել է Իլհամ Ալիեւը:

 

Սկզբնաղբյուրը՝ http://www.banks.am/am/news/newsfeed/13165/

Материал защищен авторским правом и охраняется законом