Սեւ ծովի թուրքական հատվածում գտնվող Սաքարիա հանքից գազի մատակարարումների մեկնարկը նախատեսված է ապրիլի վերջին: Այս մասին հայտնում է Anadolu գործակալությունը՝ հղում անելով Թուրքիայի էներգետիկայի եւ բնական պաշարների նախարար Ֆաթիհ Դոնմեզին։
Պաշտոնյան այցելել է Ֆիլյոս նավահանգստում գազի պատրաստման կայան, որտեղ ծանոթացել է հանքավայրի բարեկարգման աշխատանքների ընթացքին։
Էներգետիկայի նախարարը նշել է, որ փետրվարյան երկրաշարժերից տուժածների թվում կան նաեւ էներգետիկ գերատեսչությունների աշխատակիցներ։ «Փետրվարի 6-ի երկրաշարժերն անդրադարձել են ողջ Թուրքիայի վրա։ Տներից զրկվածների թվում կան նաեւ Էներգետիկայի նախարարության կառույցների աշխատակիցներ։ Մարդիկ կորցրել են հարազատներին ու մտերիմներին։ Մեր հայրենակիցների փրկությունն ու աջակցությունը բոլորիս համար վեր է ցանկացած նախագծից։ Բոլոր ուժերը տեղափոխվել են աղետի գոտի։ Աշխատողների մի մասն արդեն վերադառնում է աշխատանքի։ Այդ պատճառով գազի մատակարարումները կսկսվեն ապրիլի վերջին»,-ասել է Դոնմեզը։
«Աշխատանքը շարունակվում է։ Մեր նպատակն է այն ամբողջությամբ շահագործման հանձնել մինչեւ տարեվերջ։ Պահանջվում է փոփոխություններ կատարել որոշ օրենքներում։ Առաջիկա օրերին հարցը կընդգրկվի խորհրդարանի օրակարգում։ Դրանից հետո իրավական բազայի ձեւավորման ջանքերը զգալի չափով կավարտվեն» ասել է Դոնմեզը։
Սաքարիա հանքը բացվել է 2020 թվականին համանուն նահանգի ափերի մոտ։ Տարածքում ջրի խորությունը մոտ 2 կմ է, հանքը պարունակում է ծծմբաջրածնի մեծ բաժին։ Մեկնարկը նախատեսված է 2023 թվականին։ 1-ին փուլի շրջանակներում նախատեսվում է օրական 10 մլն խմ արդյունահանում։
Թուրքիան Սեւ ծովում հայտնաբերված պաշարների ընդհանուր ծավալը գնահատում է 540 մլրդ խմ գազ։
Նյութը հեղինակային է և պաշտպանված օրենքով
