Նախարարի տեղակալ Անի Իսպիրյանը մարտի 21-ին ընդունել է Համաշխարհային բանկի խմբի Միջազգային ֆինանսական կորպորացիայի (ՄՖԿ) Հարավային Կովկասի տարածաշրջանային տնօրեն Իվանա Ֆերնանդես Դուարտեին և Եվրոպայի տարածաշրջանային տնօրեն Ռանա Կարադշեհին։ Հանդիպմանը ներկա էին նաև ՄՖԿ Հայաստանի «Տնտեսական աճը» ծրագրի ղեկավար Արսեն Նազարյանը և երկրում ՄՖԿ ավագ ներկայացուցիչ Արման Բարխուդարյանը:
Հանդիպման ընթացքում կողմերը քննարկել են Հայաստանի «Տնտեսական աճը» խորհրդատվական ծրագրի շրջանակում առաջնահերթ անելիքները, մասնավորապես՝ Հայաստանում կանաչ տնտեսության զարգացման նպատակով ներդրումային միջավայրի բարելավման և ներդրումների խրախուսմանը վերաբերող հարցեր։ Անդրադարձ է կատարվել կայուն ֆինանսների և կանաչ տաքսոնոմիայի զարգացմանը, արևային էներգիայի օգտագործմանը, ինչպես նաև կանաչ ջրածնի արտադրությանը:
Նյութը հեղինակային է և պաշտպանված օրենքով
