13-09-2023 10:50
717
ՀՀ Ազգային ժողովի պատգամավորները սեպտեմբերի 12-ին երկրորդ եւ վերջնական ընթերցմամբ հավանություն են տվել Քաղաքացիական օրենսգրքի օրենսդրական փոփոխություններին: Դրանք նախատեսում են մինչեւ շինարարական աշխատանքների ավարտը կառուցապատողների կողմից բնակարաններ ձեռք բերող քաղաքացիների միջոցների 75 տոկոսի օգտագործման արգելք։
Այսպիսով, մինչեւ շենքը շահագործման հանձնելը այդ միջոցները կսառեցվեն։ Կառուցապատողը այդ գումարներին հասանելիություն կստանա միայն անշարժ գույքը շահագործման հանձնելուց հետո։ Այնուամենայնիվ, նրան հասանելի կլինեն այդ միջոցների տոկոսադրույքները։
Նպատակը ՀՀ քաղաքացիներին եւ ընդհանրապես շինարարության ոլորտը հնարավոր ռիսկերից զերծ պահելն է։
Նյութը հեղինակային է և պաշտպանված օրենքով
