Հեղինակավոր Forbes ամսագիրն ուսումնասիրել է և պարզել, որ 2017 թվականի դրույթամբ ամբողջ աշխարհում 2043 միլիարդատեր է ապրում: Ընդ որում, 2016 թվականի համեմատ միլիարդատերի թիվն ավելացել է 233-ով: Աճել է նաև նրանց ունեցվածքի ծավալը: Եթե 2016 թվականին աշխարհի միլիարդատերերի ունեցվածքը ընդհանուր առմամբ կազմել է 6,5 տրլն դոլար, ապա 2017-ին այն հասել է 7,7 տրլն դոլարի: Ընդ որում` աճը պայմանավորված է յուրաքանչյուր միլիարդատիրոջ ունեցվածքի միջին ցուցանիշի ավելացմամբ` 3.6 մլրդ-ից այն հասել է 3.8 մլրդ դոլարի միջինում:

Միլիարդատերերի թվով առաջատարը ԱՄՆ-ն է, այնտեղ բնակվում է 565 մեծահարուստ մարդ, երկրորդ հորիզոնականում Չինաստանն է` 319 մարդ, երրորդ տեղում Գերմանիան է` 114 մարդ, չորրորդը Հնդկաստանն է` 113 մարդ, հնգյակը եզրափակում է Ռուսաստանը, որտեղ ապրում է 96 միլիարդատեր:

Նյութը հեղինակային է և պաշտպանված օրենքով