«ՎՏԲ-Հայաստան Բանկ» ՓԲԸ-ն VISA Infinite քարտապաններին հասանելի է դարձնում Concierge Plus ընկերության կողմից տրամադրվող միջազգային նոր Կոնսիերժ-սերվիս ծառայությունը, դրանով իսկ ընդլայնելով իր պրեմիում հաճախորդների մասնագիտացված սպասարկման հնարավորությունները:

Բանկից տեղեկացնում են, որ Կոնսիերժ-սերվիս ծառայության միջոցով Բանկի պրեմիում հաճախորդները ստանում են շուրջօրյա աջակցության ծառայություն, որն իրենից ներկայացնում է անվճար առաջարկություններ, խորհրդատվական օգնություն, ճամփորդությունների կազմակերպում և անհատական քարտուղարի ծառայություններ:

Ծառայությունից օգտվելու հնարավորությունը հասանելի կլինի ոչ միայն ՀՀ տարածքում, այլև նրա սահմաններից դուրս:

Տվյալ նախագիծը իրականացվում է Concierge Plus ընկերության կողմից, որը Concierge Service և Lifestyle management ոլորտի առաջատար է հանդիսանում հայաստանյան շուկայում` մասնավորապես, և համաշխարհային շուկայում` ընդհանրապես: Շնորհիվ ամբողջ աշխարհում ունեցած գործընկերական բազայի, Concierge Plus-ը բավարարում է հաճախորդների ցանկացած պահանջները աշխարհի ցանկացած կետում:

Նյութը հեղինակային է և պաշտպանված օրենքով