Marriott-ը ծրագրում է 3-4 տարի անց 7 նոր հյուրանոց ղեկավարել Վրաստանում: Ընկերության տարածաշրջանային փոխնախագահ Փանքաջ Բիրլան նշել է, որ Marriott-ն ուզում է ստանալ խոշորագույն հյուրանոցային օպերատորի կարգավիճակը Վրաստանում: Այս մասին հայտնում է «Բիզնես Գրուզիան»:
«Մենք շատ դրականորեն ենք տրամադրված Վրաստանի նկատմամբ: Ես անձամբ Վրաստան եմ գալիս 2005 թվականից և մեծ փոփոխություններ եմ տեսնում: Ամեն այցի ժամանակ զարգացում եմ տեսնում:
Marriott-ն աշխատում է ծառայություն առաջարկել բոլոր դասերի հյուրերին: Մենք միավորում ենք 12 տարբեր ապրանքանիշեր, դրանց մեջ կան ինչպես միջին, այնպես էլ՝ բարձր դասի ապրանքանիշեր:
Մենք պահանջարկ ենք տեսնում, այդ պատճառով մեծացնում ենք ներդրումը: Վրացական շուկան լուսավոր ապագա ունի»,- ասել է Բիրլան:
Նյութը հեղինակային է և պաշտպանված օրենքով
