Արդշինբանկը ներգրավել է 10 մլն ԱՄՆ դոլար գերմանական Commerzbank-ից: Գործարքը երաշխավորվել է Ասիական Զարգացման Բանկի կողմից առևտրի ֆինանսավորման ծրագրի ներքո տրամադրված ծածկույթով: Այս գործիքի ներքո ստացված վարկային միջոցները կուղղվեն Բանկի կորպորատիվ հաճախորդների արտահանման և ներմուծման գործարքների ֆինանսավորմանը` խթանելով առևտրի զարգացումը Հայաստանի տնտեսական առանցքային ոլորտներում` ներառյալ էներգետիկայի, հանքարդյունաբերության և սպասարկման ոլորտները:
Այս գործարքն Արդշինբանկի հերթական արդյունավետ համագործակցությունն է իր բազմամյա գործընկերներ Կոմերցբանկի և Ասիական զարգացման բանկի հետ: Լինելով Հայաստանի բանկային համակարգի առաջատար բանկերի մեկը, Արդշինբանկը ինովատիվ ֆինանսական գործիքների միջոցով նպատակադրված աջակցում է հայկական ընկերություններին արտաքին շուկաներում իրենց դիրքերը ընդլայնելու համար:
Նյութը հեղինակային է և պաշտպանված օրենքով
