ՀՀ տնտեսական մրցակցության պաշտպանության պետական հանձնաժողովի նախագահի պաշտոնում առաջադրված Գեղամ Գևորգյանը տնտեսական մրցակցության ոլորտում բավական շատ անելիք է տեսնում:

Այս մասին ապրիլի 17-ին Ազգային ժողովում Գևորգյանն ասաց լրագրողների հետ զրույցում:

«Աշխատանքը պատկերացնում եմ շատ դինամիկ, որովհետև կարծում եմ՝ ոլորտը բավական հետաքրքիր է, և շատ բան կա անելու»,- նշեց Գևորգյանը:

Պատասխանելով այն հարցին, թե արդյոք այսօր Հայաստանում բոլոր տնտեսավարողների համար ապահովված են հավասար մրցակցային պայմաններ, Գևորգյանը նշեց, որ այդպիսի տեղեկություն չունի:

«Օրենսդրությամբ՝ միանշանակ, իսկ իրական կյանքում՝ չեմ կարող հայտարարություն անել, որովհետև նման տեղեկություն չունեմ»,- ասաց Գեղամ Գևորգյանը:

Ապրիլի 16-ին Հայաստանի Հանրապետության վարչապետ Նիկոլ Փաշինյանը ՀՀ տնտեսական մրցակցության պաշտպանության պետական հանձնաժողովի նախագահի պաշտոնում առաջարկել է Գեղամ Գևորգյանի թեկնածությունը:

Նյութը հեղինակային է և պաշտպանված օրենքով