Իսրայելի վարչապետ Բենիամին Նեթանյահուն հայտարարել է, որ Պաղեստինի հետ խաղաղությունը հնարավոր է միայն «Գազայի հատվածի ապառազմականացման և ապաարմատականացման» դեպքում։ Նրա կարծիքը հրապարակվել է La Stampa թերթում։

«ՀԱՄԱՍ-ը պետք է ոչնչացվի: Գազան պետք է ապառազմականացվի, իսկ պաղեստինյան հասարակությունը պետք է դադարի արմատական ​​լինել: Սրանք երեք պայման են Իսրայելի և նրա պաղեստինյան հարևանների միջև Գազայում խաղաղության հաստատման համար», – ասել է նա:

Իսրայելի վարչապետը պնդում է, որ ՀԱՄԱՍ-ը վայելում է Իրանի աջակցությունը, մինչդեռ Միացյալ Նահանգները, Մեծ Բրիտանիան, Ֆրանսիան, Գերմանիան և շատ այլ երկրներ աջակցում են Իսրայելի՝ «այս ահաբեկչական կազմակերպությանը ոչնչացնելու» ցանկությանը։

Նեթանյահուն վստահեցրել է, որ այս նպատակին հասնելու համար կհարգվի միջազգային իրավունքը, թեև զոհերից խուսափելը դժվար է, քանի որ «ՀԱՄԱՍ-ը խաղաղ բնակիչներին օգտագործում է որպես կենդանի վահան»:

Նյութի աղբյուրը՝ FreeNews.am