jkjhkjhkj

15-05-2024 11:34 99
ԱՄՆ Միջազգային զարգացման գործակալության հայաստանյան առաքելության տնօրեն Ջոն Ալելոն և ԱՄՆ ՄԶԳ գլխավոր ֆինանսական տնօրեն Ռեջինալդ Միտչելը հանդիպել են  Հաշվեքննիչ պալատի նախագահ Ատոմ Ջանջուղազյանի հետ: Հանդիպման նպատակը Հաշվեքննիչ պալատի նախաձեռնած բարեփոխումների ընթացքի քննարկումն էր։ Այդ մասին հայտնում են ԱՄՆ ՄԶԳ գրասենյակից:
 
ԱՄՆ ՄԶԳ-ն աջակցում է այս ջանքերին՝ ֆինանսավորելով «Տեխնիկական օժանդակություն ՀՀ հաշվեքննիչ պալատին» ծրագիրը:
 
Ինչպես նշեց ԱՄՆ ՄԶԳ/Հայաստանի տնօրեն Ալելոն՝ ԱՄՆ կառավարությունը վստահ է, որ կայուն և անկախ Հաշվեքննիչ պալատը կարող է վճռորոշ դեր խաղալ պետական հաստատությունների հանդեպ քաղաքացիների վստահության ամրապնդման և հանրային ռեսուրսների արդյունավետ օգտագործման ապահովման գործում՝ ի շահ Հայաստանի քաղաքացիների։
 
ԱՄՆ Միջազգային զարգացման գործակալությունը հավատարիմ է Հայաստանի հաստատություններին աջակցելու իր հանձնառությանը և նպատակ ունի նպաստել դրանց արդյունավետության բարձրացմանը` հանուն հանրային շահի։
 

Նյութի աղբյուրը՝ FreeNews.am

Մեկնաբանություն թողնելու համար մուտք գործեք համակարգ:


Հաճախ ընթերցված նյութեր