13-04-2019 10:47 931

 

Ռուսաստանի Դաշնության Կենտրոնական բանկի հաճախորդների մասին տվյալների բազան արտահոսել է համացանց: Խոսքը այն հաճախորդների մասին է, որոնց ֆինանսական հաստատությունները մերժել են ծառայություն մատուցել: Խոսքը մոտ 120 հազար ֆիզիկական և իրավաբանական անձանց մասին, որոնց մասին տեղեկատվությունը հայտնվել է մասնագիտացված ֆորումներում:

Ինչպես գրում է «КоммерсантЪ»-ը՝ հրապարակված տվյալների բազայում տեղեկատվություն է ներկայացված այն անձանց մասին, որոնց ֆինանսական կազմակերպությունները մերժել են սպասարկել՝ հանցավոր ճանապարհով ստացված փողերի լվացման դեմ պայքարի և ահաբեկչության ֆինանսավորման դիմադրության մասին օրենքների համաձայն:

Ըստ պարբերականի՝ ցանցահենները ներկայացրել են ֆիիկական անձանց ազգանունները, անունները, հայրանունները, ծննդյան ամսաթվերը, անձնագրի տվյալները, նաև հարկ վճարողի նույնականացման համարը (ՀՎՆՀ): Կան նաև իրավաբանական անձանց վերաբերյալ տվյալներ. նրանց մասով նշվում է անվանումը, ՀՎՆՀ-ն և պետական գրանցման հիմնական համարները (ՊԳՀՀ):

Փաստաբանների պնդմամբ՝ հաճախորդների համար նման տեղեկատվության արտահոսքը վտանգավոր է ոչ միայն տվյալների բացման պատճառով, այլև տվյալների բազայում ներկա լինելու փաստով, քանի որ բանկերի սև ցուցակում կարելի է հայտնվել նաև պատահական:

Հարկ է նշել, որ վարկային կազմակերպությունների հաճախորդների տվյալները վերաբերում են 2017 թվականի հունիսի 26-ից մինչև դեկտեմբերի 6-ը:

Կարդացեք նաև` ՍԵՒ ՑՈՒՑԱԿՈՒՄ ՀԱՅՏՆՎԱԾ ՔԱՂԱՔԱՑԻՆԵՐԻ ՊԱՀԱՆՋԸ

ՓԱՇԻՆՅԱՆԻ ԱՐՁԱԳԱՆՔԸ ՍԵՒ ՑՈՒՑԱԿՈՒՄ ՀԱՅՏՎԱԾ ՔԱՂԱՔԱՑԻՆԵՐԻ ԽՆԴՐԻՆ

ՎՐԱՍՏԱՆՈՒՄ ՄԵԿՆԱՐԿԵԼ Է ԲԱՆԿԱՅԻՆ «ՍԵՒ ՑՈՒՑԱԿՆԵՐԻ» ՄԱՔՐՄԱՆ ԳՈՐԾԸՆԹԱՑ

Մեկնաբանություն թողնելու համար մուտք գործեք համակարգ:


ՀՀ Լուրեր

Հաճախ ընթերցվող նյութեր