Դեպի Հայաստան մասնավոր դրամական փոխանցումների ընդհանուր ծավալը մեկ տարում ավելացել է 18 մլրդ 414 մլն դրամով: 2017 թվականին հունվար-մարտին այն կազմել է 152 մլրդ 14 մլն դրամ: Ըստ ՀՀ կենտրոնական բանկի հրապարակած տվյալների` 2016 թվականի հունվար-մարտին այն կազմում էր 133 մլրդ 600 մլն դրամ: Ավելին` առաջին եռամսյակում Հայաստանից ուղարկվող տրանսֆերտների ծավալը նույնպես ավելացել է և կազմել 89 մլրդ 136 մլն դրամ, այնինչ նախորդ տարվա նույն ժամանակահատվածում ցուցանիշը 88 մլրդ 299 մլն դրամ էր:

Հայաստան ուղարկվող տրանսֆերտների հիմնական ուղղություններն են ՌԴ-ն և ԱՄՆ-ն: Հունվար-մարտին ՌԴ-ից Հայաստան ուղարկվող տրանսֆերտների ծավալը կազմել է 80 մլրդ 292 մլն դրամ` 13 մլրդ 341 մլն դրամով գերազանցելով նախորդ տարվա հունվար- մարտի 66 մլրդ 951 մլն ցուցանիշը: ԱՄՆ-ից Հայաստան ուղարկվող տրանսֆերտների ծավալն աճել է 300 մլն դրամով: Այս տարվա հունվար-մարտին այն կազմել է 19 մլրդ 295 մլն դրամ, իսկ նախորդ տարվա նույն ժամանակահատվածում` 18 մլրդ 995 մլն:

Նյութը հեղինակային է և պաշտպանված օրենքով