ՀՀ ազգային վիճակագրական ծառայության հրապարակած տվյալների համաձայն՝ 2018 թվականի հունվարին նախորդ տարվա հունվարի համեմատ տնտեսական ակտիվության ցուցանիշն աճել է 10.2%-ով։

Ըստ ԱՎԾ-ի՝ արդյունաբերական արտադրանքի ծավալն այս տարվա հունվարին 2017 թ-ի հունվարի համեմատ աճել է 13.9%-ով, իսկ նախորդ տարվա դեկտեմբերի համեմատ նվազել է 25%-ով:

Այսպիսով, այս տարվա հունվարին շինարարության ոլորտում աճը կազմել է 19.7 տոկոս` 9 միլիարդ 333.7 միլիոն դրամ, էլեկտրաէներգիայի արտադրության ոլորտում՝ 7 տոկոս, առևտրաշրջանառությունն աճել է 17.3%-ով, ծառայությունների ծավալը՝ (առանց առևտրի) 15.2 տոկոսով:

0.4%-ով նվազել է միայն գյուղատնտեսության համախառն արտադրանքի ծավալը՝ կազմելով 17 մլրդ 535.7 մլն դրամ:

ԱՎԾ-ի տվյալով՝ հունվարին նախորդ տարվա նույն ժամանակահատվածի համեմատ 47.6%-ով աճել է արտաքին առևտրաշրջանառությունը, ընդ որում` արտահանումն ավելացել է 45.2 %-ով, իսկ ներմուծումը՝ 48.9%-ով:

Նյութը հեղինակային է և պաշտպանված օրենքով