Հայաստանն ու Վրաստանն սկսում են զարգացնել միասնական զբոսաշրջային փաթեթներ:
Տնտեսական զարգացման և ներդրումների նախարարության Զբոսաշրջության զարգացման հիմնադրամի գործադիր տնօրեն Արա Խզմալյանի խոսքով՝ որոշումը ընդունվել է Վրաստանում անցկացվող կլոր սեղանի շուրջ: «Եթե մենք կարողանանք առաջարկել համատեղ զբոսաշրջային փաթեթներ, որոնք կներառեն դեպի Իրան, Վրաստան և Հայաստան այցեր, մենք կկարողանանք ապահովել զգալի ներհոսք, օրինակ, չինացի զբոսաշրջիկների համար: Նրանք պատրաստ են հաղթահարել խոշոր հեռավորություններ, իմանալով, որ իրենց սպասում են մի քանի ուղղություններ», - ասել է հիմնադրամի ղեկավարը:
Խզմալյանի խոսքերով, Վրաստանի հետ նոր համատեղ նախաձեռնության մասին ավելի մանրամասն տեղեկություններ կներկայացվեն ավելի ուշ, բայց այդ ուղղությամբ աշխատանքներն արդեն սկսվել են:
Նյութը հեղինակային է և պաշտպանված օրենքով
