Դեպի վրաց-ռուսական սահման տանող ճանապարհի թունելը վերականգնված է եւ բաց է տրանսպորտի բոլոր տեսակների համար, տեղեկացրել է «Sputnik-Грузия»-ն՝ հղում կատարելով Վրաստանի Ավտոճանապարհների վարչությանը։

Սահմանափակումը մտցվել էր միջազգային նշանակության Մցխեթ-Ստեփանծմինդա-Լարս մայրուղու 132-135 կիլոմետրի տեղամասում՝ հոկտեմբերի 5-ին էլեկտրահամակարգի վերականգնողական աշխատանքների հետ կապված։

Թունելի փակ եղած ժամանակ վարորդներն օգտվել են ներպետական նշանակության շրջանցող ճանապարհից։ Երթեւեկությունը վերահսկվել է պարեկային ոստիկանության կողմից։

Նյութը հեղինակային է և պաշտպանված օրենքով