Ռուսաստանի Դաշնությունում 2018 թվականի հունվար-սեպտեմբեր ամիսներին տրված վարկային քարտերի ընդհանուր քանակը կազմել է 7.67 մլն: Այս տվյալները ներկայացված են Վարկային պատմությունների ազգային բյուրոյի (ՎՊԱԲ) նյութերում:

Հաշվետու ժամանակահատվածում այս ցուցանիշը 2017-ի համեմատ ավելացել է երկու երրորդով. այն ժամանակ բնակչությունը ստացել էր 4.61 մլն վարկային քարտ:

Ըստ ՎՊԱԲ-ի` վարկի այս տեսակում 65 տարեկանից բարձր քաղաքացիների տեսակարար կշիռն ավելացվել է: Այն աճել է 1.5 տոկոսային կետով` մինչև 5.8 տոկոս:

25 տարեկանից ցածր քաղաքացիների տեսակարար կշիռն ընթացիկ տարվա 9 ամիսների ընթացքում նվազել է 0.2 տոկոսային կետով `մինչև 9.9 տոկոս:

Կրճատման ամենաբարձր ցուցանիշը ցուցադրել է 25-29 տարեկան տարիքային խմբում՝ նվազելով մինչև 13.5 տոկոս:

ՎՊԱԲ-ի գլխավոր տնօրեն Ալեքսանդր Վիկուլինը նշել է, որ նոր վարկային քարտերի թողարկման աճի տեմպերը շարունակում են մնալ բարձր մակարդակի վրա: Նրա կարծիքով, վարկի այս տեսակը հարմար է ինչպես վարկային կազմակերպությունների, այնպես էլ վարկառուների համար: Մասնավորապես, բանկերը կարող են արդյունավետ կերպով կառավարել վարկային ռիսկը՝ օգտագործելով վարկային քարտի սահմանաչափը:

Վիկուլինը՝ քարտապանների թվում 60 տարեկանից բարձր քաղաքացիների զգալի աճը պայմանավորում է այն հանգամանքով, որ նրանք կենսաթոշակ ստանալու արդյունքում շարունակական եկամուտ ունեն:

Նյութի աղբյուրը՝ FreeNews.am