Ամերիկյան դատախազությունը Huawei չինական ընկերությանը կասկածում է տվյալների գողության համար, որոնք հանդիսանում են T-Mobile ընկերության կոմերցիոն գաղտնիքը: Այս մասին գրում է The Wall Street Journal-ը:

Խոսքը տեխնոլոգիաի գողության մասին է, որը T-Mobile-ի ամերիկյան ստորաբաժանումն օգտագործում է սմարթֆոնները փորձարկելու համար:

Ավելի վաղ Ճապոնիայի կառավարությունը որոշում էր ընդունել, որի համաձայն Huawei ընկերությանն արգելվում է պետական պարտավորագրեր ստանալ և պետական գնումների մասնակցել Ճապոնիայի տարածքում:

2018 թվականի ամռանն ԱՄՆ-ը նույնպես որոշում էր կայացրել Միացյալ Նահանգների պետական հիմնարկությունների կողմից Huawei-ի հեռահաղորդակցական սարքավորանքի գնման և կիրառման արգելք սահմանելու մասին: ԱՄՆ-ի իշխանությունները բազմիցս պնդել են, որ ընկերությունը համագործակցում է ՉԺՀ-ի հատուկ ծառայությունների հետ:

Նյութի աղբյուրը՝ FreeNews.am