Ղազախստանի կառավարությունը նախագահի արտահերթ ընտրությունների համար տրամադրելու է 25 միլիոն դոլար: Այս մասին ասվում է օրենքի նախագծում, որը պետք է հավանության արժանանա:
«Ղազախստանի կառավարության պահուստներից տրամադրել միջոցներ՝ 9 404 771 000 տենգեյի չափով (մոտ $24,8 միլիոն դոլար) Ղազախստանի Հանրապետության նախագահի արտահերթ ընտրությունների համար, որոնք նախանշված են 2019 թվականի հունիսի 9-ին», — նշում է РИА Новости-ն:
Միևնույն ժամանակ նշվում է, որ Ղազախստանի ԿԸՀ-ն ստանալու է ավելի քան 24,6 միլիոն դոլար, իսկ հանրապետության ԱԳՆ-ն՝ մոտ 150 հազար դոլար:
30 տարի Ղազախստանը ղեկավարելուց հետո Նուրսուլթան Նազարբաևը մարտի 20-ին հայտարարել էր լիազորությունները վայր դնելու մասին։ Երկրի ղեկավար էր դարձել Ղազախստանի խորհրդարանի վերին պալատի նախագահ Քասիմ Ժոմարտ Տոկաևը։ Նախագահի լիազորությունների ժամկետը լրանում էր 2020 թվականին։
Կարդացեք նաև`
- ՆԱԶԱՐԲԱԵՒԻ ԴՈՒՍՏՐԸ ՆԱԽԱԳԱՀԻ ԸՆՏՐՈՒԹՅՈՒՆՆԵՐՈՒՄ ՉԻ ԱՌԱՋԱԴՐՎԵԼՈՒ
- ԱՍՏԱՆԱՆ ՊԱՇՏՈՆԱՊԵՍ ՎԵՐԱՆՎԱՆՎԵՑ ՆՈՒՐ-ՍՈՒԼԹԱՆ
- ՆԱԶԱՐԲԱԵՒ. ԵԱՏՄ-Ն ՀՈՒՍԱԼԻ ԿԱՄՈՒՐՋ ԿԴԱՌՆԱ ԵՎՐՈՊԱՅԻ ԵՒ ԱՍԻԱՅԻ ՄԻՋԵՒ
Նյութի աղբյուրը՝ FreeNews.am
