Apple-ի սմարթֆոններ հավաքող Foxconn ընկերությունը Չժենչժոու քաղաքի գործարանից 50 հազար մարդ է աշխատանքից ազատել, հայտնում է Reuters-ը հղում անելով Nikkei-ն:

Դա կապված է iPhone սմարթֆոնների պահանջարկի կտրուկ անկմամբ: Ընդ որում, աշխատանքից հեռացումը սկսվել է սպասված ժամանակահատվածից շուտ: Հավաքման գծի աշխատակիցներին սկսել են հեռացնել 2018 թվականի վերջից, առաջին ալիքը սկսվել է նախորդ տարվա հոկտեմբերից:

Ավելի վաղ հայտնի է դարձել, որ Apple-ն ամեն անգամ նվազեցնում էր պատվերների ծավալը՝ սպասվածից ցածր մակարդակի վաճառքների պատճառով: Բնականաբար, դա բացասական էր ազդում IPhone-ներ հավաքող ընկերության բյուջեի վրա:

Ավելի վաղ Apple-ի ղեկավար Թիմ Կուկը 2019 թվականի առաջին եռամսյակի համար սպասվող հասույթի կանխատեսումը նվազեցրել էր: Դրա ֆոնին ընկերության արժեթղթերը նվազել էին ավելի քան 9 տոկոսով:

Կարդացեք նաև՝

Ո՞Ր ՍՄԱՐԹՖՈՆՆԵՐԻ ԱՐՏԱԴՐՈՒԹՅՈՒՆՆ Է APPLE-Ը 2019-ԻՆ ՆՎԱԶԵՑՆԵԼՈՒ

ՈՒՈԼԼ ՍԹՐԻԹՆ APPLE-ԻՆ ՉԻ ՀԱՎԱՏՈՒՄ

Նյութի աղբյուրը՝ FreeNews.am